Цæттæ кæнæм

Европæйы чемпионатæн боксæй æрыгæтты хсæн 27 январы сфидар кæндзысты йæ регламенты проект. Уый тыххæй фехъусын кодтой куыстадон æмбырды. Сарæзта йæ хицауады сæрдары хæдивæг Азымты Иринæ. Æмбырды архайдта физкультурæ æмæ спорты министр Гæбулты Владимир, федералон спортивон ведомствæты æмæ тыхы структурæты кусджытæ. Уæлдай цæстдард уыдзæн турниры æдасдзинады домæнтæм. Чемпионаты архайджыты ласынмæ, транспортон компани æвзардзысты конкурсы хуызы. Уымæй уæлдай ма æмбырды æрдзырдтой спортивон комплекс Манежы уавæрыл. Бæлвырддæр та рухсытæ æмæ электрон тыхы системæйыл. Уæ зæрдыл уын æрлæууын кæндзыстæм турнир мартъийы кæй уыдзæн, уый. Сæ арæхстдзинад дзы æвдисдзысты боксертæ 30 бæстæйæ. Хуыздæрты æвзардзысты 10 алыхуызон уæзмæ гæсгæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv