Ивестицитæн фæндаг

Европæйаг амалхъомдзинады ассоциацийы уæнгтæ базонгæ сты Цæгат Ирыстоны инвестицион гæнæнтимæ. Фембæлдысты Мæскуыйы. Йæ фадæттæ равдыста сыхаг республикæ Хъæрæсе-Черкеси дæр. Фембæлды архайдтой Цæгат Кавказы хъуыддæгты фæдыл министр Лев Кузнецов, Европæйаг амалхъомдзинады ассоциацийы директор Франк Шауфф, нæ республикæйы сæргълæууæг Битарты Вячеслав æмæ иннæтæ. Битары-фырт куыд загъта, афтæмæй Цæгат Ирыстоны инвестицион гæнæнтæ уæрæх сты. Куыст, куыд æмбæлы, афтæ цæуы. Дæнцæгæн æрхаста, Дзæуджыхъæуы цы дунеон базарадон центр «Metro» байгом, уый. Хæххон туризм парахат кæныны мадзæлттыл æмæ медицинæйы рæзтыл, стæй хъæууон хæдзарады фарстаты тыххæй та радзырдта Лев Кузнецов. Йæ ныхæстæм гæсгæ, Цæгат Ирыстоны экономикæйы бындур уыдон сты æмæ сыл биноныгæй кусæм. Ассоциацийы директор Франк Шауфф снысан кодта мадзæлттæ Цæгат Кавказимæ ахсджиаг æмæ пайдаджын æмгуыстады тыххæй. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv