Социалон фонды хайад афæдзы райдианæй иумæйаг фиддон снысан кодта 25 мин сывæллоны ныййарæгæн
Социалон фонды республикон хайад афæдзы райдианæй иумæйаг фиддон снысан кодта 25 мин сывæллоны ныййарæгæн. Æххуысы хуыз куы фæзынд, уæдæй нырмæ æдæппæтæй йæ фæлгæты радтой 4 млн сомæй фылдæр. Фиддон райсыны тыххæй арæхдæр бахъæуы æрмæст Паддзахадон лæггæдты порталы курдиат бадæттын. Дарддæр бæрæггæнæнтæ баххæст кæнынц ведомствæты 'хсæн æмархайды руаджы. 17 азы онг кæуыл цæуы, уыцы сывæллæтты бахæссæн ис иумæйаг курдиатмæ. Афтæмæй уыцы иу рæстæг æппæтæн дæр фиддон нысангонд æрцæудзæн. Иумæйаг фиддон бирæ æххуысцух бинонтæ райдыдтой исын цалдæр æххуысы хуызы бæсты. Раздæр 3 азы онг фыццаг æмæ æртыккаг сывæллонæн, 3-йæ 8 азы онг æмæ 8-æй 17 азы онг сывæллæттæн æрвылмæйон фиддон, стæй сывæллоны райгуырдмæ чи 'нхъæлмæ кæсы, уыцы сылгоймæгтæн фиддонтæ истой хицæнтæй.