Ног уавæрты

Ног нырыккон медицинон кусæнгарз æмæ цалцæггонд бæстыхайыл тагъд цин кæндзысты Тарскæйы цæрджытæ. Ног азы бæрæгбæтты фæстæ дзы байгом уыдзæн амбулатори. Хъæуы рагæй æнхъæлмæ кæсынц ацы цаумæ. Раздæры рынчындоны бæстыхай уыд заууат уавæры. Ног медицинон уагдон ныр фæцæттæ кæны федералон программæммæ гæсгæ. Раздæр ацы ран уыд рынчындон. Бæстыхайыл цæуы 130 азæй фылдæр. Бындурон цалцæг та фæстаг хатт уыд 2000-æм азы. Рынчындон уыд кæлæддзаг уавæры. Къултыл хъуына фæхæцыд. Кусджытæ иу дзы сæхи хардзæй чысыл цæмæдæрты базылдысты. Уымæ гæсгæ дохтыртæ ныр уæлдай æхсызгонæй æнхъæлмæ кæсынц арæзтады кæронмæ. Раздæры рынчындоны бæстыхай, зæгъæн ис, æмæ иууылдæр ахафтой. Йæ бынаты йын сарæзтой ног амбулатори. Ис дзы 50 адæймаджы суткæмæ исыны фадат. Уымæй уæлдай ма дзы боны стационары бынæттæ дæр ис. Арæзтадон компанийы кусджытæ фæнд кæнынц куыстытæ пъланæй раздæр фæуын. Амбулатори аразынц паддзахадон программæмæ гæсгæ. «Арæзтадон куыстытæ цæуынц Цæгат Ирыстоны социалон-экономикон рæзты программæмæ гæсгæ. Сфидар æй кодта Уæрæсейы хицауад. Арæзтадæн фæрæзтæ радих кодтой федералон бюджетæй. Кусæнгарз дæр æлхæд цæуы уыцы фæрæзтæй. Амбулаторийы цыдæриддæр медицинон кусæнгарз хъуамæ уа, уый дзы уыдзæн», — горæтгæроны районы центрон рынчындоны сæйраг дохтыры хæстæ æххæстгæнæг Наниты Аскер. Фидæны амбулаторийы æмбæлгæ медицинон æххуыс исын сæ бон уыдзæн Тарскæйы хъæуы 2800 цæрæгæн. Ныртæккæ бæстыхайæн цæттæ у йæ 80%. Аразджытæ зæрдæ æвæрынц, арæзтадон куыстытæ ног азы бæрæгбæтты фæстæ кæй фæуыдзысты. Уыцы цаумæ бынæттон цæрджытæ зæрдиагæй æнхъæлмæ кæсынц. Биджелты Бертæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv