Æрыгæттæн, гæнæн ис, æмæ кредиттæ къаддæр дæтдзысты

Ленинграды облæсты парламенты депутат Владимир Петров рахаста æрыгон уæрæсейæгтæн банктæй хæстæ къаддæр дæттыны хъæппæрис. Уыимæ бахатыд нæ бæстæйы премьер-министр Дмитрий Медведевмæ. Йæ хъуыдымæ гæсгæ, 25 азы онг кæуыл цæуы, уыдонæн кредиттæ хъуамæ дæттой æрмæстдæр сæ ахуырæн, кæнæ та хæдзар æлхæнынæн. Владимир Петров куыд хъуыды кæны, афтæмæй æрыгæттæ арæх кредиттæ схардз кæнынц, бынтон тынг сæ цы дзаумæттæ нæ фæхъæуынц, ахæмтыл. Зæгъæм, нырыккон гаджеттæ, зынаргъ хæдтулгæтæ, фæсарæнты баулæфыныл æмæ афтæ дарддæр. Депутаты ныхæстæм гæсгæ, ахæм кредиттæ парахатдæр кæнынц, фæсивæд та бахауынц «кредитты уацары». Бæрæггæнæнтæм гæсгæ, Уæрæсейы æрыгæттæ, ома 35 азы онг кæуыл цæуы, уыдоны фылдæр дарынц хæс банктæй. «Уыцы хъуыддаг та æвзæрырдæм ахады бинонтæ кæнын æмæ сывæллæттæ ныййарыныл,» - зæгъы Владимир Петров йæ курдиаты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv