Æвзонг уæнгты змæлд

Сочийы уыдис Уæрæсейы хуыздæр хореографион къордты 5-æм æппæтуæрæсеон конкурс. Цæгат Ирыстонæй дзы архайдта кафджыты къорд «Фидæн». Фæсивæд сæхи æнтыстджынæй равдыстой. 4-æм хатт систы ерысты уæлахиздзау. Уымæй уæлдай ма рамбылдтой грант дæр. Доййаты Миланæ кафджыты къорд «Фидæн»-мæ цæуы дыууæ азæй фылдæр. Цыбыр рæстæгмæ йæ къухы бирæ бафтыд. Къордимæ дыууæ хатты ссис æппæтуæрæсеон конкурсы уæлахиздзау. Кафы зæрдиагæй, æнувыд у ирон аивадыл. Фыццаг къахдзæфтæ сфæлдыстадон къорд «Фидæн» кæны æнтыстджынæй. Фæсивæд архайынц алыхуызон конкурсты æмæ фестивальты. Кафгæйæ æвдисынц сæ миддуне æмæ се ’нкъарæнтæ, уый уынынц сæ ныййарджытæ дæр. Сочийы цы аивадон æркаст уыдис, уым дæр та фесгуыхтысты. Уæрæсейы хуыздæр хореографион къордты 5-æм конкурсы адæмы сæхимæ `ркæсын кодтой. Цæгат Кавказы националон кæфтытæй адæмы зæрдæтæ балхæдтой. Сæ кармæ гæсгæ æртæ къорды дæр бацахстой фыццаг бынæттæ. Хистæр къорды архайджытæ та ма уымæй уæлдай райстой грант. Ахæм æнтыст сæ къухы бафтыд сæахуыргæнджыты руаджы. Аивадон къордыл цæуы 7 азы. Ис дзы 140 сывæллоны. Къорды репертуары ис алыхуызон кæфтытæ. Репетициты фæстæ кæд тынг бафæллайынц, уæддæр сæ цæсгæмттæ вæййынц рухс æмæ хъæлдзæг. Сочийы цы æхца рамбылдтой, уыдон бахардз кæндзысты ног сценикон уæлæдарæсыл. «Фидæн» ахæм ерысты уæлахиздзау 4-æм хатт ссис. Ныртæккæ та сæхи цæттæ кæнынц æндæр конкурстæм. Афæдзы кæрон иумæйаг концерттæ хъуамæ радтой цæцæйнаг ансамбль «Заманко»-имæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv