«Магия танца-2019»

Дзæуджыхъæуы уыд аив спортивон кæфтыты чемпионат «Магия танца-2019», зæгъгæ. Фестивалы архайдтой 300 сывæллоны, 4 азæй 15 азы онг кæуыл цæуы, ахæмтæ. Турнирмæ æрбацыдысты кафджыты къордтæ Цæгат Кавказы æмæ Хуссар федералон зылдтæй: Мæздæг, Налцыкк, Пятигорск, Кисловодск, Георгиевск æмæ Ростовæй. Дзæуджыхъæуæй сæ курдиат равдыстой 4 коллективы. Æвзонг кафджытæ сæ арæхстдзинадæй барухс кодтой адæмы æмæ жюрийы зæрдæтæ. Мадзалы сæйраг нысан у æрыгон фæлтæры `хсæн æнæниз цардыуаг парахат кæнын. Уæдæ ма чемпионаты архайджытæ, афæдзмæ цы базыдтой, уый дæр хъуамæ равдыстаиккой. Ахæм конкурсты рæстæг кафджытæ алцыдæр бамбарынц хуыздæр, иннæтæм кæсгæйæ сæ хъæндзинæдтæ хуыздæр раиртасынц. Базонынц, фылдæр сæ цæуыл кусын хъæуы, уый. Ерысты архайдтой куыд профессионалтæ, афтæ, рæвдауæндонмæ чи цæуы, уыдон дæр. Бафтаудзыстæм ма уый æмæ аив спортивон кæфтыты чемпионат 1994-æм азæй фæстæмæ у æрвылазон. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv