РЦИ-Аланийы автоинспекцийы кусджытæ сарæзтой профилактикон мадзал

Лагерь «Дзынагъа»-йы цы 200 сывæллоны улæфынц, уыдонæн сарæзтой профилактикон мадзал. Уазæгуаты сæм æрбацыдысты Цæгат Ирыстоны паддзахадон автоинспекцийы кусджытæ. Инспектортæ фæсивæдæн æмбарын кодтой фæндаггон змæлды домæнтæ. Паддзахадон автоинспекцийы кусджытæй уæлдай ма лагерьмæ саккаг кодтой театралон æмæ шофырты Цæдисты минæвæрттæ, стæй «Æдасдзинады лаборатори»-йы специалисттæ. Сывæллæтæн викторинæтæ, конкурстæ æмæ хъæзтыты хуызы æмбарын кодтой, фæндæгтыл цæуыны домæнтæ куыд æххæст кæнын хъæуы, уый. «Æдасдзинады лаборатори»-йы ахуыргæнджытæ сывæллæтты лагерьмæ сластой хъæугæ гæрзтæ: велосипедтæ, конустæ æмæ æндæртæ. Специалисттæ практикæйы хуызы равдыстой фæндагыл хи дарыны `гъдæуттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv