Зонындзинæдты бæстæмæ

Æгас республикæйы цæрджытæ зæрдиагæй цæмæ æнхъæлмæ кастысты, уый æрцыд. Абон байгом сывæллæтты технопарк «Кванториум». Кадджын мадзалы архайдтой республикæйы сæргълæууæг Битарты Вячеслав, профилон министрадтæ æмæ уагдæтты минæвæрттæ. Уымæй уæлдай ма Кванториум фенынмæ æрбацыдысты фидæны ахуырдзаутæ дæр. Уазджытæн бæстыхайы сарæзтой экскурси. Семæ уыдысты нæ уацхæсджытæ дæр. Дæттæм сын ныхасы бар. Цæгат Ирыстоны ног технопарк Кванториум кæй байгом уый айхъуыст суанг дун-дунемæ дæр. МКС-ы къорды космонавттæ Олег Кононенко æмæ Сергей Прокопьев кадджын мадзалы уазджытæн арфæйы ныхæстæ ракодтой. Уæдæ технопарк байгом кæнынмæ дæр хуымæтæг сырх лент нæ бацæттæ кодтой. Кънопкæйыл иу хæст æмæ Кванториум официалон æгъдауæй йæ куыст райдыдта. Нæ республикæйы сæргълæууæг Битарты Вячеслав дæр æй федта. Йæ ныхæстæм гæсгæ, ацы хабармæ иууылдæр рагæй æнхъæлмæ кастысты. Уый фæстæ уазджытæ сæ фæндаг акодтой технопаркы агъуыстытæм. Алкæцы дæр ифтонг у нырыккон технологитæй. Коптертæ, роботтæ æмæ æндæр цымыдисаг машинæтæ. Технопарк куыд кусдзæн æмæ дзы цæуыл ахуыр кæндзысты, уый тыххæй радзырдта Кванториумы разамонæг Алексей Котец. Сывæллæттæн ам амондзысты наукæйы 5 къабазы сусæгдзинæдтæ - биоквантум, хай-тек лаборатори, робоквантум, промышленнон дизайн, IT-квантум æмæ аэроквантум. Уыимæ алцыдæр лæвар. Ахуыргæнджыты ныхæстæм гæсгæ, ахуырдзауты фылдæр цымыдис кæны роботтæ кæм аразынц, уый. Ам сын амондзысты электроникæйы зонындзинæдтæ, сахуыр сæ кæндзысты компьютер æмæ роботы хсæн бастдзинад куыд скæнын ис, ууыл. Абон ахуырдзаутæ ахуыр кæнын райдыдтой биоквантум дæр. Уым та медицинон æмæ инженерон тенологиты бастдзинад. Ныридæгæн сæ зæрдæмæ цæуы. Иу ныхасæй, ацы технопаркæн фидæны уыдзæн стыр ахадындзинад. Уый тыххæй дзурынц нæ респуюликæйы ахуырад æмæ наукæйы министрады минæвæрттæ дæр. Фылдæр æргом дзы здахдзысты районтæм дæр. Цæгат Ирыстоны районты байгом кæндзыстæм мобилон технопарктæ дæр. Уыдоны фæрцы, наукæмæ чи бæллы ахæмты рабæрæг кæндзысты дæрддзæф районты дæр. Зæгъгæм, хæххон хъæуты цы сывæллæттæ цæрынц, уыдонæн дæр фадат уыдзæн сæ зонындзиндтæ фæфылдæр кæнын. Фыццаг урочытæ райдадзысты ног къуыри. Цалдæр мæйы фæстæ та бæрæг уыдзæн, наукæйы сусæгдзинæдтæ базонынмæ чи æрбацыд абон ардæм, уыдон цавæр бæрзæндтæм тырнынц, уый._ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv