Дзæуджыхъæуы байгом уыдзæн Акъоты Владимиры номыл уæззау атлетикæйæ турнир

Абон Дзæуджыхъæуы уыдзæн Акъоты Владимиры номыл уæззау атлетикæйæ турнир. Уæрæсейы сгуыхт тренер, Акъоты Владимир уыд ацы спорты Цæгат Ирыстойнаг скъолайы бындурæвæрджытæй иу. Фыды намыс æмæ традицитæ дарддæр хæссы йæ фырт Акъоты Артур-дунейы æмæ Европæйы ерысты уæлахиздзау. Хъомыл кæны суинаг спортсменты дæр. Æлдаттаты Давид хæрз чысыл карæй йæ размæ сæвæрдта нысан – уыдзæн уæззау атлетикæйы богал. Йæ фыдмæ гæсгæ Давид дæр бауарзта ацы спорт. Ныр фырт дæр фыды къахвæдтыл цæуы. Йæ тыхтæ æвзары уæззау атлетикæйæ, æмæ йыл у æнувыд. Алыхуызон спорты хуызтæ федта, фæлæ уæззау атлетикæ ницæуыл баивдзæн. Хæс сæвæрдта йæ размæ – Дунейы чемпион æмæ Олимпаг хъæзтыты уæлахиздзау суæвын. Спорткомплекс «Динамо»-йы уæззау атлетикæйы секцийæн ис хъæздыг истори. Ам сæ курдиат райхæлдтой бирæ зындгонд богæлттæ. Сæ ном айхъуыст канд республикæ нæ фæлæ æгас Уæрæсейыл. Ныртæккæ дæр залы сæхи фæлтæрынц фидæны чемпионтæ. Сæ тренер Акъоты Артур у Цæгат Ирыстонæй фыццаг Дунейы чемпион. Акъоты Артур: «Мæ спортивон карьерæ куы фæци уæд тренеры дæсныйад райстон. Бидеты Аланимæ ацы залы хъомыл кæнæм суинаг чемпионты. Ис мæм мæхи къорд. Уæдæ нæм æнтыстдзинæдтæ дæр ис. Республикæйы æмæ Уæрæсейы ерысты бацахсæм раззагдæр бынæттæ». Æххуыс ын кæны Уæрæсейы сгуыхт тренер уæззау атлетикæйæ Бидеты Алан. Куыд зæгъы афтæмæй уавæртæ спортсментæн ис, кæд бынтон хорз не`сты, уæддæр. Абон Дзæуджыхъæуы уыдзæн æрвылазон турнир уæззау атлетикæйæ, Советон Цæдисы сгуыхт тренер Акъоты Владимиры номыл арæзт. Акъоты Владимир уыд Советон Цæдисы чемпион, бирæ фæлтæрдджын спортсмены схъомыл кодта. Цæгат Ирыстоны уæззау атлетикæйы скъолайæн у йæ бындурæвæрæг. Лæппутæ æмæ чыздзытæ ерыс кæндзысты 8 алыхуызон уæзы. Кусынц зæрдæргъæвдæй. Турнир бирæ курдиатджын фæсивæдæн фадат ратдзæн сæ арæхстдзинад равдисынæн. Уæлдай дæр йæ размæ стыр нысантæ чи æвæры уыдонæн. Алчидæр сæ бæллы Олимпаг хъæзтыты сæ республикæйы кад бахъахъхъæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv