Сбæрæг сты профессионалон дæсныдзинады конкурс «Абилимпикс»-ы регионалон къæпхæны уæлахиздзаутæ. Кадджын уавæры сæ схорзæхджын кодтой Цæгат Ирыстоны базарадон-экономикон колледжы. Фæсивæдæн бацæттæ кодтой концертон программæ, уæлихиздзауты схорзæхджын кодтой Кады гæххæттытæ æмæ майдантæй. Ацы хатт конкурсы архайдтой 100 адæймагæй фылдæр. Ерыс кодтой 13 компетенцийы. Се 'хсæн -  хæринаггæнæг, хуыйæг, хæдтулгæтæ цалцæггæнæг. Ахæм мадзæлттæ фæсивæдæн фадат дæттынц зонындзинæдтæ æмæ фæлтæрддзинад равдисынæн. Уыимæ ма сæ афтæмæй базонынц амалхъом адæм, сæ бон у куыст ссарын дæр. Регионалон къæпхæны уæлахиздзаутæ бацархайдзысты Национ чемпионаты.