Цæгат Ирыстоны хæхты та ногæй айхъуыст «Цъæйаг вальс»

Цæгат Ирыстоны хæхты та ногæй айхъуыст «Цъæйаг вальс». Цъæйы комы лагеры ныр 14-æм хатт райдыдта авторон зарджыты фестиваль. Арæзт у Юрий Визборы номыл. Концерттæ, дæсныйадæвдисæг ахуыртæ æмæ æркастытæ – 9 боны дæргъы фестивалы архайджытæм æнхъæлмæ кæсы хъæздыг æмæ цымыдисаг программæ. Зарæггæнджытимæ фембæлд нæ уацхæссæг, байхъуыста сын сæ зарджытæм, иумæ азарыдысты арты фарсмæ дæр. Виктор Гавриленко у авторон зарджыты æмæ фестивалы патриот. Тынг зæрдæргъæвдæй бацархайы ахæм мадзæлтты. Цъæймæ 8-æм хатт ссыд. Цæргæ та Новошахтинскы кæны. Æнæрбацæугæ йæ бон нæ вæййы. Цъæймæ уазджытæ ссæуынц æрмæст нæ бæстæйы алы рæттæй нæ. Мæскуы æмæ Санкт-Петербургæй уæлдай ма Луганскæй, Донецкæй æмæ Белоруссийæ дæр. Æдæппæтæй 22 адæймаджы. уыимæ «Цъæйаг вальс» цымыдисаг канд хистæртæн нæу, фæлæ сывæллæттæн дæр. Уæлдай æхсызгон вæййы фæсивæд æмæ сывæллæттæ куыд зарынц, уымæ байхъусын. Фестивалы архайæг Мария Козлова: «Раздæр зарыны уроктæм цыдтæн. Зарын мæ зæрдæмæ цыд, цæуы æмæ цæудзæн. Уый фæстæ мæ мад гитарæйыл цæгъдын райдыдта, стæй ме фсымæр дæр. Цагъд мæ зæрдæмæ цыд. Мæ фыд дæр мын иу арæх изæрыгæтты цагъта гитарæйыл. Барды зарджытæ мæнæн тынг цæуынц мæ зæрдæмæ». Фестивалы архайджытæм æнхъæлмæ кæсы цымыдисаг программæ: зындгонд бардтæ сын сараздзысты дæсныйадæвдисæг ахуыртæ. Фестивалы архайыны фадат ис авторон зарæг чи уарзы, уыдонæн се ппæтæн дæр. Ахæм адæм та дзы бирæ ис. Ссыдысты æгас Уæрæсейæ. Фестиваль «Цъæйаг вальс» æрмæст зарджытæ не сты, фæлæ ма Кавказы хæхтæ дæр. Кæд фæуазал, уæддæр дзы фестивалы архайджытæ нæ тæрсынц. Къæвда æмæ дымгæ бон дæр сæ уæлæ хъарм дзаумæттæ скæнгæйæ, адæм æрбацæуынц, фæхъусынц сæ уарзон зарджытæм. Фестиваль ацы аз 14-æм хатт суазæг кодта бардты. Арæзт у советон зарæггæнæг Юрий Визборы номыл. Фестиваль «Цъæйаг вальс»-ы разамонæг Анна Евдокимова: «Барды зарджытæ равзæрыдысты Советон Цæдисы рæстæг бинонтæ иу фынджы уæлхъус иумæ куы æрымбырд сты, уæд. Арæх иу кодтой зарджытæ. Куыд фæстæдæр дзы рауад фестиваль. Ныртæккæ авторон зарджыты жанр кæны парахатдæр. Фылдæр адæмы зæрдæмæ цæуы. Уыимæ сты алы кары». Фестиваль ма ахæсдзæн иу къуыри. Кæронбæттæны скæндзысты хатдзæгтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv