Æрдзыл ауæрдгæйæ

Республикон экологон конкурсы хатдзæгтæ скодтой Цæгат Кавказы хæххон-металлургон институты зонадон центры. Саразынц æй æрвылаз. Йæ сæйраг нысан у æхсæнады `ргом æрдз хъахъхъæныны хæсмæ здахын. Конкурсы архайдтой студенттæ, аспиранттæ, наукон кусджытæ æмæ дзыллон информацион фæрæзты минæвæрттæ. Жюрийы уæнгтæ фæбæрæг кодтой куыстыты æмбæлгæ хæрзхъæддзинад. Журналистты æрмæджытæн аргъ кодтой цалдæр номинацимæ гæсгæ: хуыздæр радиобакаст, видео- æмæ мыхуыры хуыздæр æрмæг. Номинаци «Хуыздæр телеравдыст»-ы фыццаг бынат райста нæ телекомпанийы уацхæссæг Æлбегаты Генриеттæ. Мадзал арæзт у республикæйы æрдзон æвæрæнтæ æмæ экологийы министрад, стæй æрдз хъахъхъæныны æхсæнады хъæппæрисæй. Уæлахиздзауты схорзæхджын кодтой кады гæххæттытæ æмæ зæрдылдарæн лæвæрттæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv