Боксы Дунеон суперсерийы финалмæ 1 бон йеддæмæ нал баззад

Спорт чи уарзы æмæ æддæг-мидæг кæй тыххæй ауадысты, уыцы хабарæй уал райдайæм. Боксы Дунеон суперсерийы финалмæ 1 бон йеддæмæ нал баззад. Гасситы Мурат æмæ Александр Усик тох кæндзысты уæззау уæзы чемпионы ном райсыныл æмæ боксы 3 роныл. Тох кæндзысты Мæскуыйы, спорткомплекс Олимпийскийы. Специалистты æмæ экспертты хъуыдымæ гæсгæ, сæ фембæлд уыдзæн цымыдисаг. Ныронг уал нæ богал Гасситы Мурат рингмæ рацыд 26 хатты, 19 хатты нокаутæй фæуæлахиз. Иунæг хатт дæр нæ фæхæрд. Александр Усик дæр йæхи æнтысджынæй æвдисы. 14 тохæй 11-сы рамбылдта нокаутæй, уый дæр иунæг хатт дæр нæ фæхæрд. Уæрæсейаг боксер, уæлдайдæр нæхи ирон, историйы фыццаг хатт архайдзæн ахæм егъау ерысты. Уæлахидзау суыдзæн боксы 4 роны хицау. Къорд рæстæджы фæстæ райдайдзæн цæттæгæнæн мадзæлттæй иу — боксертæ сæ уæз бардзысты. Уый размæ та уыди сæ пресс-конференци. Журналисттæн сæ фæрстытæ радтой спортсментæм дæр æмæ тохы амидингæнджытæм дæр. Нæ уацхæсджытæ дæр ныртæккæ сты Мæскуыйы. Аныхас кодтой ринджы амонæгимæ. Цы нын загъта, уый уын æвдисæм. Спорты амонæг Дæвид Диаманте: «Уæ бон хорз цæгатирыстойнæгтæ, мæ ном Дэвид Диаманте. Мах ныртæккæ стæм Мæскуйы, дунеон боксы суперсерийы финалы агъоммæ. Боксертæ тох кæндзысты 4 роны рамбулыныл, стæй журнал «The Ring» æмæ ма Моххамед Алийы кубок рамбулыныл дæр. Мæ зæрдæ дарын, тох цымыдисаг кæй уыдзæн. Иууылдæр æм тынг æнхъæлмæ кæсæм. Фæнды мæ цæмæй, тыхджындæр спортсмен рамбула». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv