Ахсджиаг фарстатæ

Уымææ уæлдай ма Битарты Вячеслав абон фембæлд Уæрæсейы пенсион фонды сæрдары хæдивæг Алексей Ивановимæ. Нæ республикæмæ ссыд кары адæмы хæдзар «Узæлды» ног корпус кæй байгом кодтой, уый тыххæй Бацархайдта кадджын мадзалы. Фембæлды рæстæг Битарты Вячеслав бузныджы ныхæстæ загъта, бæстыхæй бæстонæй сцалцæг кæнынæн Уæрæсейы пенсион фонд стыр æххуыс кæй бакодта, уый тыххæй. Алексей Ивановы ныхæстæм гæсгæ, Цæгат Ирыстонимæ æнцон кусæн уыд. Алцæмæ дæр цыд æмбæлгæ цæстдард. Уымæй уæлдай ма, фембæлды рæстæг æрдзырдтой социалон лæггæдты иугонд системæ нæ респуликæйы æнтыстджынæй кæй кусы, ууыл дæр. Уый руаджы адæм æмæ хициауады уæнгтæ афойнадыл базонынц æмбæлгæ социалон æххуысы тыххæй. Бæрæггæнæнтæм гæсгæ, ныртæккæ республикæйы 200 мин адæймагæй фылдæр исынц социалон æххуыс, уæдæ йæ хуызтæ та сты 350 минмæ ввахс. Фембæлды кæронбæттæны ма Битарты Вячеслав фæнысан кодта, республикæйы разы кæй сты пенситæ æмæ æндæр социалон фидтонтæ, адæм афоныл кæй райсынц, уымæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv