Физкультурон-дзæбæхгæнæн комплексы проект рахастой Цæгат Ирыстоны паддзахадон университеты студентты

Физкультурон-дзæбæхгæнæн комплекс «Клеверспорт»-ы проект рахастой Цæгат Ирыстоны паддзахадон университеты студентты размæ. Сæ хуыздæрты сын куыстмæ райсдзысты. Нырыккон бæстыхайы фæзуат - 6 мин квадратон метры. Уыдзæн дзы бирæ фадæттæ бинонтимæ баулæфынæн: фитнес-клуб, бассейнтæ, хъарм дзæбæхгæнæн дæттимæ хи найæн бынæттæ, абанатæ, спа-процедурæтæ æмæ сывæллæтты аквапарк. 100 куысты бынатæй дзы фылдæр уыдзæн 40 мин сомæй фылдæр мыздимæ. Комплекс саразынмæ хъавынц Хæдарцаты Аслæнбеджы номыл уынджы. Хæрдзты 50% ист æрцæудзысты федералон æмæ регионалон бюджетæй. Иннæ хай та ратдзæн амалхъом адæймаг Бердиаты Вадим.