Мадæлон æвзаджы æппæтадæмон бон сбæрæг кодтой Адæмты хæлардзинады республикон хæдзары

Мадæлон æвзаджы æппæтадæмон бон сбæрæг кодтой Адæмты хæлардзинады республикон хæдзары. Литературон-поэтикон изæры уазджытæн равдыстой Цæгат Ирыстоны цæрæг адæмыхæттыты æвзæгты хъæздыгдзинад. Мадзалы архайджытæн раарфæ кодтой республикæйы национ-культурон æхсæнæдты минæвæрттæ. Фæсивæд та, алчи йæхи æвзагыл, кастысты æмдзæвгæтæ, зарыдысты, акодтой адæмон кæфтытæ. Аивады алыхуызон жанрты сæ арæхстдзинад равдыстой грекъаг, сомихаг, дагестайнаг, мæхъæлон, тæтæйраг, узбекаг æхсæнæдты минæвæрттæ. Мадзалы архайдта национ политикæ æмæ æддагон бастдзинæдты фæдыл министры хæдивæг Къуымæллæгкаты Олег дæр.