Фыдыбæстæйы Стыр Хæсты ветеранты схорзæхджын кодтой юбилейон майдантæй

Фыдыбæстæйы Стыр Хæсты ветеранты схорзæхджын кодтой юбилейон майдантæй. Алагиры районы ис 558 ветераны, уыдоны се `ппæтæн дæр аккаг кæнынц хæрзиуджытæ æмæ зæрдылдарæн лæвæрттæ. Кадджын мадзал арæзт æрцыд Республикæйы хицауады æмæ Алагиры районы бынæттон хиуынаффæйады хъæппæрисæй. Мадзалмæ æрбацыдысты ветераны, фæсфронты архайджытæ æмæ концлагерты ахст чи уыд, уыдон. Сарæзтой сын концертон программæ дæр. Ирон эстрадæйы артисттæ сын сæ мадзал барæсугъд кодтой хæстон зарджытæй. Уымæй уæлдай ма,фембæлдмæ  арбахуыдтой скъоладзауты æмæ æрыгон армионты. Ветерантæ сын радзырдтой Фыдыбæстæйы Стыр Хæсты цауты тыххæй. Æрыгон фæлтæртæн ахæм фембæлдтытæ сты вазыгджын æмæ ахсджиаг. Алагиры районы цæрджыты социалон лæггадты комплексон центры директор Беккуызарты Хъазыбег йæ ахуыргæнджытæ Уырымты Изетæ æмæ Валентинæ Енинайы юбилейон майдантæй схорзæхджын кодта йæхæдæг. Ныртæккæ сабырдзинад кæй руаджы уынæм, уыцы хъæбатыртæй иу у Гаматы Иван. Хъæбатырæй архайдта æппæт хъарутæй дæр, цæмæй фæлтæртæ сæрибар дуджы цæрой. Фронтовиктæн ацы мадзал ахсджиаг у, кæддæриддæр хæсты хабæрттæ сты хъуыдыйаг æмæ кады аккаг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv