Экономикон бастдзинад æмæ фидæны æмгуыстад

Цæгат Ирыстоны æмæ Уæрæсейы регионтимæ, стæй фæсарæйнаг бæстæтимæ базарадон-экономикон бастдзинæдтыл æрдзырдтой æппæтадæмон форум «Уæрæсейы Хуссар дуæрттæ», зæгъгæ, номимæ. Мадзал байгом кодта Цæгат Ирыстоны хицауады сæрдары хæдивæг Фадзайты Æхсарбег. Архайдтой дзы нæ республикæйы экономикон рæзты министр Томайты Хъазыбег, Цæгат Ирыстоны рæзты агентады сæргълæууæг Павел Игнатьев. Форуммæ ссыдысты Цæгат Кавказы республикæты, Абхазийы, Арменийы, Турчы æмæ Хуссар Ирыстоны минæвæрттæ. Дзырдтой алывæрсыг æмгуыстады фарстатыл. Уæлдай æргом аздæхтой Ирыстойнаг куыстуæттæ экспортон продукцийы номхыгъд æмæ хæрзхъæддзинадмæ. Амалхъом адæймæгтæ ма сарæзтой дывæрсыг æмбырдтæ. Ныхас дзы кодтой хъæууон хæдзарады рæзт, хойраджы продукттæ, туризм æмæ транспортон бастдзинæдты фарстатыл. Уымæй уæлдай ма бафыстой æмгуыстады цалдæр бадзырды. Мадзалы рæстæг æркастысты 2030-æм азмæ Цæгат Ирыстоны социалон-экономикон рæзты стратегийы проектмæ дæр. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv