Республикæйы цæрджытæ базонгæ сты уæрæсейаг театралон режиссер Гуыцæлты Маратимæ

Республикæйы цæрджытæ æмæ уазджытæ базонгæ сты хъуыстгонд уæрæсейаг театралон режиссер Гуыцæлты Маратимæ. Уымæй уæлдай федтой музейон фонды экспонаттæ. Æппæтуæрæсеон акци «Ночь искусств-2019» фæлгæты мидхъуыддæгты министрады историйы музей бабæрæг кодтой 500 адæймагæй фылдæр. Æмбал кæмæн нæй, ахæм дзауматæ фенынмæ музеймæ цыдысты æнæхъæн бинонтæй, хицæн къордтæй, скъоладзаутæ æмæ студенттæ. Боны 11-æй æхсæвы-11 сахатмæ музейы дуæрттæ уыдысты гом. Музейы ис 10 экспозицион залы. Уым æвдыст цæуы ведомствæйы райрæзт - куы фæзындис уæдæй абонмæ. Фадат дзы ис зындгонд скульптор Тотиты Барисы композицитæ фенын. Мидхъуыддæгты историйы музейы рæстæгмæ равæрдтой Тугъанты Махарбеджы номыл музейæ экспонаттæ. Алкæмæн дæр сæ ис йæхи истори. Дыккаг бон музейы уыд фембæлд «Золотая маска», театралон премийы номинант Гуыцæлты Маратимæ. Сфæлдыстадон фембæлды дæсны режиссер дзуæппытæ радта æппæт фæрстытæн дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv