Цæгат Ирыстоны уыд картофы быдыры æппæтуæрæсеон

Уыцы мадздалæн æцæгæй дæр стыр ахадындзинад ис. Йæ аразджытæ - Хъæууон Хæдзарады министрад æмæ куыстуат «ФАТ-АГРО». Архайдтой дзы 250 адæймагæй фылдæр. Цалдæр боны дæргъы сæ зонгæ кодтой картофы куысты нырыккон ифтонгадимæ. Равдыстой сын канд нæ бæстæйы нæ, фæлæ фæсарæнты дæр хæрзхъæд мыггæгтыл нымад чи у, ахæм картоф. Уымæй уæлдай ма, архайджытæ бабæрæг кодтой хæххон уавæрты цы хъæрмуæттæ кусынц, уыдон. Программæмæ гæсгæ дзы уыди æмбырдтытæ дæр. Ноджы ма цавæр ахсджиаг фарстатыл æрныхас кодтой æмæ кæронбæттæн хатдзæгтæ кæнгæйæ, цæмæ æрцыдысты? Нæ уацхæссæг Хъараты Маринæ йæ базыдта. Абон бабæрæг кодта Зджыды картофы быдыртæ. Йæ æрмæг дæр цæттæ у æмæ цæм бакæсæм. Уæллаг Зджыд. Алы республикæтæй дыууæ сæдæ фæндзай архайæджы ссыдысты ардæм. Сæ балцы сæйраг нысан – картоф куыд зайын кæнынц, уый фенын. Ам картофы мыггаг байтауынц дæс гектары фæзуатыл. Æрвылаз тыллæг æрæмбырд кæнынц æстдæс мин тоннæйы. Ацы аз байтыдтой лыстæг бынтæ, миникдублни кæй хонынц, ахæм мыггаг. Хъæрмуæтты йæ бацæттæ кодтой. Уымæй уæлдай ма лабороториты цы мыггæгтæ равзæрын кодтой, уыдон дæр. Ам картоф зайын кæнынц дыууæ мин æртындæсæм азæй нырмæ. Зæхх дурджын уыд.  Ныссыгъдæг æй кодтой. Стæй та йæ хуым бакодтой. Æрмæстдæр дзы уый фæстæ байтыдтой картоф. Куыстуаты генералон директор Битарты Зелимханы ныхæстæм гæсгæ, ацы зæххытыл картоф уайтагъд сзайы. Уымæн æмæ ацы бынат у дыууæ мин аст сæдæ метры уæлдæр денджызы æмвæзадæй. Хæхбæсты картофы куыст кæнын ма пайдайаг у æндæр хъуыддæгты тыххæй дæр. Уазджытæн быдырты экскурсси сарæзтой. Агроном специалисттæн радзырдта куыстуаты сусæгдзинæдты тыххæй. Куыд загъта, афтæмæй картоф уыцы иу бынаты садзæн ис æрмæстдæр фондз азы. Уый фæстæ йын йæ бынат ивын хъæуы, цæмæй зæхх иннæ тауыны афонмæ баулæфа. Специалисттæ куыстуатæй разыйæ баззадысты. Куыд зæгъынц, афтмæй дарддæр дæр афтæ куы аххæса, уæд фæсарæнтæй картофы мыггаг æлхæнын нал хъæудзæн. Эксрурсийы фæстæ специалисттæ сæмбырд сты конференцийы. Æмбырды рæстæг дзырдтой картоф зайыны хуызтыл. Фæнысан кодтой æмгуыстады фæндæгтæ дæр. Уыимæ ма сæ фæлтæрддзинад кæрæдзийæн нæ бавгъау кодтой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv