Дзæуджыхъæуы 12-æм хатт ацыд рухстауæн акци

Дзæуджыхъæуы 12-æм хатт ацыд рухстауæн акци «Тоталон диктант». Диктант ныффыссыны фæзтæм, Цæгат Ирыстоны паддзахадон университет æмæ Цæгат Ирыстоны гумманитарон ӕмӕ социалон иртæсӕнты институтмæ æрбацыд 200 адæймагæй фылдæр. Скъоладзаутæ, ахуыргæнджытæ æмæ, йæ зонындзинæдтæ уырыссаг æвзагæй сбæрæг кæнын кæй фæндыд, уыдон. Ацы аз Дард Хурыскæсæны иртасæг Владимир Арсеньевы тыххæй текст ныффыста журналист Владивостоккæй Василий Авченко. Текст бакаст филологон наукæты доктор, ЦИПУ-йы уырыссаг æвзаджы кафедрæйы профессор Борис Кунавин. Къамисы сæрдар — Иумæйаг паддзахадон фæлварæны федералон эксперт Газайты Тамарæ. Акцийы æппæты хистæр архайæг сси 91-аздзыд Роальд Каупуш.