Ацы аз уæрæсейæгтæн уыдзæн цалдæр цыбыр кусæн къуырийы

Ацы аз уæрæсейæгтæн уыдзæн цалдæр цыбыр кусæн къуырийы. Уый тыххæй фехъусын кодтой Уæрæсейы фæллоймæ цæстдарды управленийы. Цыбыр къуыритæ уыдзæн январы, февралы, мартъийы, апрелы, майы, июны æмæ ноябры. Улæфæн бонты фæстæ ацы къуырийы уыдзæн æрмæст дыууæ кусгæ боны - цыппæрæм æмæ майрæмбон. Иннæ цыбыр къуыри уыдзæн февралы - Фыдыбæстæ Хъахъхъæнæджы бон. Кусдзыстæм цыппар боны 25-æй 28-æм февралмæ. Мартъийы дыккаг кусæн къуырийы дæр уыдзæн цыппар боны, 10-æм мартъийæ 13-мæ. 8-æм мартъи у хуыцаубон уымæ гæсгæ улæфæн бон аргъæвдзысты къуырисæрмæ 9-æм мартъимæ. Фæлладуадзæн бонтыл бафтдзæн апрелы - уæрæсейæгтæ бæрæг кæндзысты фæллой æмæ уалдзæджы бæрæгбон. Афтæмæй кусæн бонтæ уыдзысты 27-æй 30-æм апрелмæ. Майы фыццаг къурийы уыдзæн æртæ кусгæ боны 6-æй 8-æм маймæ. Фæллад та уаддзыстæм 1-æм майæ 5-ммæ. 9-æй 11-æм маймæ Уæлахизы бон дæр кæндзыстæм улæфгæ. Уымæ гæсгæ дыккаг кусгæ къуыри дæр уыдзæн цыппар боны. Сæрдмæ куы рахизæм, уæд Уæрæсейы бон бæрæггæнгæйæ 12-æм июны уылæфдзыстæм, кусдзыстæм 8-æй 11-æм июнмæ. Фæззæджы та адæмы иудзинады бон кусæн къуыри адих кæндзæн дыууæ хайыл. Къуырийы астæу нæ фæллад суаддзыстæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv