"Дзæуджыхъæуы хъармгæнæн хызæгты" æххæстгæнæг директор Доййаты Аланæн уыд пресс-конференци

Хъармдæттæг организациты исбонад баиу кæныны программæмæ июны онг бацæудзысты Дзæуджыхъæу, Рахизфарсы æмæ Дыгуры районтæ. Ацы азы кæронмæ та Æрæфы, Алагиры, Горæтгæрон æмæ Мæздæджы районтæ. 6 муниципалон сконды хъармгæнæн комплексты исбонад та ныридæгæн бакодтой паддзахады бæрны. Уый тыххæй журналисттæн радзырдта "Дзæуджыхъæуы хъармгæнæн хызæгты" æххæстгæнæг директор Доййаты Алан. Куыстуат муниципалонæй паддзахадонмæ раивтой фарон. Уый республикæ "Коммуналон хæдзарады экономикон райрæзт"-ы пилотон программæйы кæй архайдта, уый 'руаджы. Афтæмæй, ма программæйы фæлгæты рацараздзысты Дзæуджыхъæуы хъармгæнæн системæ дæр. Фарон куыстуат йæ лæггæдтæн бирæ фиддонтæ æрæмбырд кодта. 76% цæрджытæй, 92% та юридикон бæрнондзинадимæ фæлхасгæнджытæй.