Зонындзинæдты бæстæмæ

Дзæуджыхъæуы хæрзæрæджы цы сывæллæтты технопарк «Кванториум» байгом, уый фенынмæ æрбацыдысты республикæйы хъæуты ахуырдзаутæ. Уазджытæн бæстыхайы сарæзтой цымыдисаг экскурси. Равдыстой сын, сывæллæтты дзы цæуыл ахуыр кæнынц æмæ дзы цавæр гæнæнтæ ис, уый. Уазджыты `хсæн уыдысты нæ уацхæсджытæ дæр. Канд мæнæ ацы æнахуыр музыкалон инструментæй нæ хæссы йæ сæр бæрзæндты музей. Сывæллæтты технопарк «Кванториум»абон йæ дуæрттæ байтыгъта республикæйы алы районты скъоладзаутæн. Уазджытæ технопарчы агъуыстыты æрзылдысты. Базонгæ сæ кодтой нырыккон технологитимæ. Куыд кусынц, уый тыххæй сын радзырдтой. Цымыдисаг хабæрттæ та сæм бирæ ис. Ныртæккæ сывæллæттæ кванториуммæ экскурсийы хуызы æрбацыдысты. Фæлæ сын амы ахуыргæнджытæ каникулты рæстæгмæ цæттæ кæнынц сæрмагонд программæ. Сараздзысты сын дæсныйад æвдисæн ахуыртæ. Уымæй уæлдай ма ерыстæ Хакатон, зæгъгæ, ахæм номимæ. Сывæллæттæ райстой ног зонындзинæдтæ. Зындгонд физикон закъонты хъомыс сæхи цæстæй федтой. Ахуырдзаутæн сæ балц сæ зæрдæмæ тынг фæцыд. Се `нкъарæнтæ суанг кæрæдзийæ дæр нæ сусæг кодтой. Сывæллæттæн экскурси сарæзтой ахуырад, спорт æмæ культурæйы министрад, стæй районы администрацийы хъæппæрисæй. Дзанайты Илонæ, ахуырад æмæ наукæйы министрады уæлæмхасæн ахуырады хайады специалист: «Хъæуты скъоладзаутæн фадат ис сывæллæтты технопарк Кванториум лæварæй бабæрæг кæнынæн. Уымæй уæлдай ма - æндæр ахуырадон организацитæ, стæй культурон улæфæн бынæттæ дæр». Технопарк феныны фæстæ скъоладзаутæ араст сты Ихы галуанмæ. Ахæм хъæугæ æмæ цымыдисаг экскурситæ сын араздзысты æртæ боны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv