Наркоманийы ныхмæ къамисы æмбырд уыд Дзæуджыхъæуы

Психиатри æмæ неврологийы националон иртасæн центры дæнцæгæн хæссынц Цæгат Ирыстоны фæлтæрддзинад, наркотикты ахæсты чи бахауд уыцы адæмы реабилитацийы хъуыддаджы. Бехтеровы номыл медицинон центры специалисттæнæ республикæйы фæллойадон æмæ социалон реабилитаци нымайынц дæнцæгæн хæссинагыл. Уый тыххæй радзырдта «Антинаркотический фронт Алании» æхсæнадон иугонды Советы минæвар Юлия Душкина. Наркоманийы ныхмæ къамисы радон æмбырды сæрдариуæг кодта республикæйы сæргълæууæг Битарты Вячеслав. Наркотикты ахæсты чи бахауд, уыдонæн реабилитаци барвæндонæй ацæуæн ис Хохы Санибайы реабилитацион центры. Уым ис æппæт хъæугæ уавæртæ, уыимæ æмгуыст кæны Уæрæсейы иннæ регионтимæ. Къамисы уæнгтæн Битарты Вячеслав бахæс кодта реабилитаци чи ацыд, уыдонæн куыст агурын. Уыцы фарстайыл бакусын хъæуы куыстдæттыны комитетимæ иумæ. Уый у сæйрагдæр фарста. Æмбырды æрдзырдтой æхсæнадон организациты ахадгæ куыстыл дæр. Риссагдæр фарстатæй æрыгон фæлтæры`хсæн иу никотинæмхæццæ буаргъæд «снюс» кæй парахат кæны уый. Уыцы хъуыддагыл закъоны бындурыл сахадын Битарты Вячеслав бабар кодта Наркотикты ныхмæ къамисы сæрдарæн. Снюс чи уæй кæна, уыдоны хъæуы закъонмæ гæсгæ карздæр æфхæрын, фæнысан кодта республикæйы сæргълæууæг. Мидхъуыддæгты министрад та хъуамæ бакуса ахæм цаутæ ма руадзыныл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv