Гæззаты Спартакимæ хæдтæхæг йæ цæлхытæ æруагъта Беслæны аэропорты

3 сахаты размæ паратхеквондист Гæззаты Спартакимæ хæдтæхæг йæ цæлхытæ æруагъта Беслæны аэропорты. Ирыстойнаг лæппу ссыдис дунеон чемпионатæй. Уый цыдис Анталийы. Аэровокзалы спортсменыл сæмбæлдысты йæ хæлæрттæ, хиуæттæ æмæ зонгæтæ. Æдæппæтæй баисты сæдæйы бæрц. Сæ цинæн кæрон нæ уыд, уымæн æмæ Гæззаты Спартак рамбылдта сызгъæрин майдан. Лæппу тох кодта уæззау уæзы - 75 килограммæй фылдæр. Финалы фембæлд индиаг спортсменимæ æмæ, куыд бамбæрстат, афтæмæй йыл фæуæлахиз. Ацы æнтысты фæстæ Гæззаты Спартак ссис 5 хатты дунеон чемпион паратхеквондойæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv