Классикæ уарзджыты цинæн

Мариинаг театры Дзæуджыхъæуккаг филиалты райсом равдисдзысты дыууæ концерты. 24-æм январы, 18 сахаты æмæ 30 минутыл Миллеры номыл уынджы филармонийы уыдзæн симфонион оркестры концерт. Азæлдзысты дзы Чайковский æмæ Штраусы уацмыстæ. Оркестрæн разамынд дæтдзæн не `мзæххон Гугкаты Зауырбег. Уымæй раздæр, 18 сахатыл та оперæ æмæ балеты театры æрбацæуæн уыдзæн æндæр вокалон изæрмæ. Концерты архайдзысты æрыгон курдиатджын солисттæ Хуыгаты Ибрагим, Бекъойты Вано, Тайсауты Олег, Динарæ Григорян, Ольга Борисова, Анастасия Шаповалова, Цхуырбаты Верæ æмæ `ндæртæ. Азардзысты оперæтæй хъуыстгонд аритæ, романстæ æмæ неаполитайнаг уацмыстæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv