Республикæйы дарддæр æмбырд кæнынц гуманитарон æххуыс Донбассæй лыгъд адæмæн

Донецк æмæ Луганскы адæмон республикæтæй лыгъд адæм цух ницæмæй æййафынц. Уый тыххæй фехъусын кодта фæллой æмæ социалон райрæзты министр Айдарты Алинæ. Дзуапдæттæг разамонæджы ныхæстæм гæсгæ, республикæйы дарддæр æмбырд кæнынц гуманитарон æххуыс. Хыгъды: сабиты хæринаг, химæзилæн гæрзтæ, уæлæдарæс. Гуманитарон æххуысы пунктты тыххæй информаци фенæн ис министрады сайты. Уымæй уæлдай ма, хицауады уынаффæмæ гæсгæ нысангонд æрцыд кусæг къорд. Бахастой йæм фæллой æмæ социалон райрæзты, æнæниздзинад хъахъхъæнынады, финансты министрадты минæвæрттæ æмæ республикæйы фæсивæды хъуыддæгты фæдыл комитет. Ведомство сын æххуыс у материалон фиддон 10 мин сомы райсынæн æмбæлгæ гæххæттытæ сæмбырд кæнынмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv