17 мин курдиатæй фылдæр балæвæрдтой хъæууон ипотекæ райсыны тыххæй

17 мин курдиатæй фылдæр балæвæрдтой хъæууон ипотекæ райсыны тыххæй. Ацы азæй фæстæмæ, хъæуты чи цæры, уыдонæн фадат ис сæ царды уавæртæ фæхуыздæр кæнын, сæрмагонд льготæты программæйы фæрцы. Цæрæнуæттæ самал кæнынæн ахъаз у хъæууон ипотекæ. Иумæйаг ипотекæйæ хуызæй хицæн кæны йæ нымæцæврдæй, уымæй та ныфс æвæрынц, æмæ уыдзæн 3% онг. Кредиты бæрц æппæты фылдæр уыдзæн 3 милуан сомы. Уый, дам, æппæт регионты, Дард Хурыскæсæны федералон зылд æмæ Ленинграды облæстæй уæлдай. Уым та фæрæзты бæрц 5 милуан сомы онгмæ схиздзæн. Афтæмæй ма, кредит чи исы, уый йæхæдæг æвзары цавæр банкæй райса льготæтæ, уый. Уæрæсейы хъæууон хæдзарады министрады куыд бæрæг кæнынц, афтæмæй хъæууон ипотекæ райсæн уыдзæн 25 азы æмгъуыдмæ. Арæзтад, кæнæ цæттæ хæдзар райсынæн цы фæрæзтæ нысангонд сты, уыдонæй уæлдай ма хъуамæ 10% фыст æрцæуа. Ахæм кредит райсыны бар дæттынц æрмæстдæр иу хатт. Профилон министрадмæ курдиæттæ лæвæртдой 23-æм февралы онг. Уый фæстæ та министрад уыцы хыгъдæй æвзардзæн æппæты хъомысджындæрты. Программæйыл бæстонæй хъуамæ бакусой ацы мæй. Ипотекæ райсыны фадат ис, канд хъæуты цæрджытæн нæ, фæлæ ма уым нырма цæрынфæнд чи скодта, уыдонæн. Сæрмагонд программæйыл æххæстæй кусын райдыдтой æппæт регионты дæр. Федералон бюджетæй хъæууон ипотекæйы программæйæн рахай кодтой 1 млрд сомы. Иннæ азмæ йæ фæнд кæныныц фæуæрæхдæр кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv