Киноуарзджыты цинæн

Æппæтдунеон кинематографы шедевртæ равдисдзысты Цæгат Ирыстоны киноуарзджытæн. Дзæуджыхъæуы æххæст кæнын райдыдтой ног проект «Синематека». Кæй фæнды, уымæн йæ бон у национ библиотекæмæ æрбацæуын æмæ киноуарзджыты клубы уæнг суæвын. Алы майрæмбоны дæр кинозалы дуæрттæ сты гом. Фенæн ис Мартин Скорсезе, Вуди Аллен, Федерико Феллини, Акира Куросавæйы, стæй уæрæсейаг режиссерты – Кира Муратова, Глеб Панфилов, Петр Тодоровскийы кинонывтæ. Мадзал аразджытæй иу Къæбысты Аннæйы ныхæстæм гæсгæ, киноклубы сæйраг хæс у – кинойы руаджы рухстауæг куыст кæнын æмæ ног социалон æмæ культурон æхсæнад саразын. Зæгъын ма хъæуы уый, æмæ фыццаг бон киноклубы иу уæгъд бынат дæр нæ уыд. Равдыстой Дино Ризийы киноныв «Операция Святой Януарий». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv