Алагиры культурæйы галуаны ацыдис 2-аг республикон хæдахуыр дæсныты аивадон къордты æркаст

Алагиры культурæйы галуаны ацыдис 2-аг республикон хæдахуыр дæсныты аивадон къордты æркаст. Уым фæсивæд сæ арæхстдзинад равдыстой ирон кæфтытæ æмæ æмдзæвгæтæ кæсыны дæсныйæдты. Бацархайдтой дзы æрмæст Алагир нæ, фæлæ ма Црау, Хæтæлдон, Майрамадаг, Фиагдон, Дзуарыхъæу, Мызур, Суадаг, Ногхъæу æмæ Бирæгъзæнджы культурæйы хæдзæртты архайджытæ. Уыдон ма бацæттæ кодтой чысыл сценикон равдыстытæ дæр. Уæ зæрдыл уын æрлæууын кæндзыстæм, æрæджы ацы æркасты 1-аг къæпхæн кæй уыд Кировы районы. Ныр хуыздæрты равзæрстой Алагиры. Ацы æркаст сарæзтой Алагиры районы бынæттон администраци, Цæгат Ирыстоны культурæйы министард æмæ нæ республикæйы адæмон сфæлдыстады хæдзары хъæппæрисæй. Фарон ацы конкурсы хатдзæгтæм гæсгæ, хæдахуыр аивадон къордтæн лæвæрд æрцыдысты æхцайы фæрæзтæ. Спайда сæ кæндзысты къордты райрæзтæн. Цæриаты Валерий куыд бафиппайдта, афтæмæй фествалы сæйраг нысан у - фæкæсинаг аивадон къордтæн æмбæлгæ æххуыс саразын. Дарддæр республикон æркаст "Иры фарн" ацæудзæн Ирыстоны иннæ районты. Кæронбæттæны та уæлахиздзаутæн Дзæуджыхъæуы ацæудзæн гала-концерт. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv