Сывæллæттæн социалон фиддонтæ нысангæнгæйæ, æгуыст ныййарджыты æфтиæгты бæрц нал нымайдзысты

Фæллойы министрады рахастой фæндон, сывæллæттæн социалон фиддонтæ нысангæнгæйæ, æгуыст ныййарджыты æфтиæгты бæрц ма хынцын. Кæд ныййарæг йæ куысты бынатæй иппæрд æрцыд 1 мартъийы фæстæ æмæ куыстдæттыны комитеты æгуыст адæмы хыгъдмӕ бахауд, уæд йæ раздæры мызды бæрц нымад нæ цæудзæн бинонты иумæйаг æфтиæгыл. Ахæм фæткмæ гæсгæ социалон фиддонтæ нысангонд куы 'рцæуой, уæд сæ фиддзысты 6 мæйы дæргъы. Уый фæстæ та ногæй социалон фиддоны тыххæй хъæудзæн курдиат бадæттын. Ахæм фæтк уыдзæн афæдзы кæронмæ. Ивддзинæдтӕ хаст цæудзысты фиддонтæ фыццаг æмæ дыккаг сывæллоны райгуырды тыххæй, стæй 3-йæ 7 азы онг кæуыл цæуы, уыдонæн æхцайы бæрц нысан кæнгӕйӕ. Уыимæ ма, ахæм фæткмæ гæсгæ нысан кæндзысты фиддонтæ æнхъæлцау сылгоймæгтæн æмæ, 8-æй 17 азы онг сывæллæтты чи хъомыл кæны, уыцы бинонтæн. _________________________ Мы рядом в: vk.com/irystontv ok.ru/irystontv youtube.com/irystontv zen.yandex.ru/irystontv t.me/irystontv