Электрон æмæ хуымæтæг тамакотæ се `ууæлтæм гæсгæ сæмдых уыдзысты

Уæрæсейы хицауад банымадта, электрон тамакотæ хуымæтæгтæй кæй ницæмæй хицæн кæнынц, уый. Уымæ гæсгæ сыл апарахат уыдзæн тамако дымыны ныхмæ тох кæныны закъон. Закъонмæ ивддзинæдтæ бахастой Федерацийы Советы уæнгтæ. Ныффидар кæндзысты, административон хуызы `фхæрд цас пайда æмæ ахадгæ уыдзæн, уыцы фæтк дæр. Тамако чи нæ дымы, уыдоны æнæниздзинадæн зианхæсджыты кæндзысты ивар. Уыимæ уæлдай нæу, хуымæтæг æви электрон хуызы уа тамако, уый. Уыцы хъуыдыйыл ма афæдзы райдиан сразы нæ бæстæйы премьер Дмитрий Медведев. Нæ республикæйы медицинон профилактикон центры кусджытæ дæр арæх æххæст кæнынц зианхæссæг фæзынды ныхмæ тох кæныны мадзæлттæ. Республикæйы æнæниздзинад хъахъхъæныны министрад ма иу хатт сиды адæммæ, цæмæй се `взæр ахуыр ныууадзой. Тамако дымыны цау арæх расайы тæссаг низтæм, мæлгæ кæмæй акæнынц, ахæмтæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv