Сергей Меняйло фембæлд хойрæгты институты президент Владимир Чернигов

Республикæйы скъоладзаутæ тæвд хæринагæй куыд æххæстгонд сты, ууыл Цæгат Ирыстоны сæргълæууæг Сергей Меняйло ныхас кодта Хойрæгты институты президент Владимир Чернигов æмæ йæ хæдивæг Сергей Масловимæ. Æмбырды архайджытæ, фыццаджыдæр, æрдзырдтой хæринаджы хæрзхъæддзинадыл. Цавæр мадзæлтты руаджы хъæуы фарстайыл бацархайын. Æмбырды ма фехъусын кодтой, 21 февралы республикæйы арæзт кæй æрцæудзæн Ахуырады паддзахадон советы скъоладзауты хæринагæй æххæст кæныны къамисы кусæг къорды æмбырд. Кæд эпидемиологон уавæр фæхуыздæр уа, уæд ма мадзалы бацархайыны фадат уыдзæн Цæгат Кавазы федералон зылды субъекты разамынды уæнгтæн дæр. Йæ фæлгæты ма ацæудзæн социалон акци «Здоровое питание школьника», зæгъгæ. Йæ сæйраг нысан та – скъоладзауты 'хсӕн æнæниз царды уаг парахат кæнын, фæнысан кодта Хойрæгты институты президент Владимир Чернигов. Куыд ма загъта, афтæмæй чемпионат WorldSkillsRussia-йы компетенци «Поварское дело»-йы хъуамæ уа хицæн хай - «Скъолайы хæринаггæнæг». Республикæйы сæргълæууæг Сергей Меняйло æппæт хъуыдытимæ дæр сразы æмæ зæрдæ бавæрдта, сæ сæххæст кæныныл иумæйагæй кæй бакусдзысты, уымæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv