Битарты Вячеслав фембæлд Дыгуры районы цæрджытимæ

Ацы сахат Битарты Вячеслав у Дыгуры районы уазæг. Сæ фæрстытæ раттынмæ Хъарман-Сындзыхъæуы культурæйы бынæттон хæдзармæ æрбацыдысты Хъарман-Сындзыхъæуы, Къора Урсдон æмæ Фалдоны цæрджытæ. Æмбырды архайынц районы сæргълæууæг Хъодзасты Марклен æмæ респубикæйы министрадты минæвæрттæ. Культурæйы бынæттон хæдзары сæмбырд бирæ адæм. Сæ фæрстытæ радтыны фадат ис 3 хъæуы цæрджытæн дæр. Адæмы тыхсын кæнынц алыхуызон хъуыддæгтæ. Хъæуты цæрджыты риссагдæр фарстатæй иу у куысты бынæттæ кæй нæ фаг кæны уый. Хъарман - Сындзыхъæуы нæй сывæллæтты рæвдауæндон. сæдæ сабийæ фылдæр æрвылбон араст вæййын хæстæгдæр хъæуы сывæллæтты рæвдауæндонмæ. Битарты Вячеслав республикæйы ахуырады министр Людмила Башаринæйæн бабар кодта ацы хъуыддагмæ йе ргом раздахын. Къора- Урсдоны цы сывæллæтты рæвдауæндон ис уый та хъæуы бындуронæй сцалцæг кæнын. Уымæй уæлдай ма районы цæрджытæ хъаст кæнынц бынæттон рынчындон æхгæд кæй у уый тыххæй. Нæй дзы реанимацион, хирургийы æмæ æндæр хайæдтæ. Ацы фарста аиуварс кæнын республикæйы сæргълæууæг бабар кодта æнæниздзинад хъахъхъæныны министр Годжыцаты Тамерланæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv