Кинойы хæдзары фыццаг хатт равдыстой сфæлдыстадон студи «Starlight»-ы цыбыр кинонывтæ

Сценикон змæлд, аив дзырды уроктæ æмæ æндæр цымыдисаг ахуыртæ. Сывæллæтты сфæлдыстадон студи «Starlight»-ы ахуыр кæнынц алы кары сывæллæттæ. Фидарæй йæ зонынц, фидæны сæ актертæ кæй рауайдзæн, уый. Ныр сын Кинойы хæдзары уыд премьерон равдыст. 13 цыбыр кинонывы сæйраг хъайтартæ иууылдæр сты сабитæ. Проекты сæйраг хæс – Ирыстоны культурæ æрмæст Уæрæсейы нæ, фæлæ ма фæсарæнтæм дæр фæхæццæ кæнын. Сфæлдыстадон изæры уыд нæ уацхæссæг Дзæдзойты Фатимæ дæр. Кинонывты сæйраг хъайтартæ – сывæллæтты кинойы студи «Starlight»-ы ахуыргæнинæгтæ. Сабитæ йæ фидарæй зонынц, фидæны сæ актертæ кæй рауайдзæн, уый. Уый тыххæй ам суинаг дæснытимæ кусынц ныхасы æвæрдыл, сценæйы раст архайыныл. Сфæлдыстадон студийы ис алы кары ахуыргæнинæгтæ. Кæстæр актёрыл цæуы 4 азы. Кинойы скъолайы ахуыргæнджытæ дызæрдыг нæ кæнынц­ – ам алы сывæллон дæр æгæрон курдиты хицау кæй у. Алкæй зæрдæмæ та дзы хъæуы ссарын фæндаг. Студийы разамонæг Цыбырты Олег кинойы аивад равзæрста йæ зæрдæйы ахастмæ гæсгæ. Аивадон скъола кусы афæдзæй фылдæр. Уыцы рæстæгмæ сын бантыст сисын 13 цыбыр кинонывы. Премьерæмæ æрбацыдысты бирæ аивадуарзджытæ. Æрыгон актёрты фарсмæ æрбалæууыдысты сæ бинонтæ дæр. Сывæллæтты сфæлдыстадон студийы ис, кинонывы сусæгдзинæдтæ ирон æвзагыл кæм амонынц, ахæм къорд дæр. Ныр та уал аивадон студийы ахуыргæнджытæ зæрдæргъæвдæй амонынц зонындзинæдтæ фидæны «стъалытæн». Ам æй фидарæй зонынц, ирыстойнаг кæй уыдзæн аккаг æмæ зæрдæмæдзæугæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv