Мидхъуыддæгты министрады кусджытæ та Дзæуджыхъæуы сарæзтой рейд

Мидхъуыддæгты министрады кусджытæ та Дзæуджыхъæуы радон хатт сарæзтой рейд. Сгарстой шофырты хæдтулгæйыл цæуыны æвдисæндартæ. Афтæ æрцахстой барадхалæджы. Закъоны сæрты ахизгæйæ, йæхимæ дардта наркотиктæ, уыимæ сæ иу ранæй иннæмæ ласгæ дæр кодта. Пъæлицæйы кусджытæ баурæдтой урс хæдтулгæ ВАЗ-2114-ы шофыры. Гæххæттытæм кæсгæ, инспекторты дисы бафтыдта, шофыр йæхи æнахуыр дард кæй кодта, мæсты кæнын кæй радыдта, уый. Фæндыд æй хæдтулгæйы фæстаг бадæнты цыдæр бамбæхсын. Мидхъуыддæгты министрады барадхъахъхъæнджытæ æвæстиатæй рахастой уынаффæ, хæдтулгæйы мидæг куыд æмбæлы, афтæ лæмбынæг басгарын. Куыд рабæрæг, афтæмæй фæстаг бадæн бынæтты бын шофыр арф бамбæхста 6 шприцы. 3-йы дзы уыд тархуыз тæнгъæдимæ. Уымæй уалдай ма ссардтой кодтой 2 капсулæйы. Сæ мидæг разынд героин. Иумæйагæй 775 граммы бæрц. Ныртæккæ нæлгоймаджы ныхмæ байгом кодтой уголовон хъуыддаг Уæрæсейы уголовон кодексы 228-æм статьямæ гæсгæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv