Сергей Меняйло æркаст, Æрæфы районы æмæ Дзæуджыхъæуы 2022 æм азмæ бюджет куыд æххæстгонд цæудзæн

Цæгат Ирыстоны дарддæр кусынц 2022-æм азмæ муниципалон скондты бюджет снысан кæныныл. Æрæфы районы æмæ Дзæуджыхъæуы куыд æххæстгонд цæудзæн, уымæ радон æмбырды рæстæг æркаст регионы разамонæг Сергей Меняйло. Æрæфы районы бынæттон хиуынаффæйады администрацийы сæргълæууæг Лагкуты Омар йæ раныхасы куыд фæбæрæг кодта, афтæмæй фидæн азы муниципалон сконды фидаргонд бюджетмæ гæсгæ, æфтиæгтæ уыдзысты 485 милуан сомы, хæрдзтæ та — 521 милуаны æмæ 600 сомы. Хъалонтæй цы æфтиæгтæ хъуамæ уа, уыдон та уыдзысты 119 милуаны æмæ 500 сомы. Уымæй уæлдай, фæстæмæ дæттын кæй нæ хъæуы, ахæм æфтиæгтæ — 365 милуаны æмæ 500 сомы. Лагкуты Омары ныхæстæм гæсгæ, фыццаджыдæр, бафиддзысты бюджетон къабазы куысджытæн мызд, стæй артаг æмæ энергетикæйы фæлхасады хæрдзтæ. Дарддæр фæрæзтæ дихгонд æрцæудзысты республикон æмæ муниципалон программæтæ æххæсткæнынымæ. Иннæ хæрдзтæ аразгæ сты районы бюджеты финансон гæнæнтæй. Республикæйы финансты министры хæстæ рæстæгмæ æххæстгæнæг Исахъты Олег куыд фæнысан кодта, афтæмæй районы бюджет æрцыд раст дихгонд, закъонæвæрынад хынцгæйæ. Дзæуджыхъæуы администрацийы сæргълæууæг Милдзыхты Вячеслав сæйраг пункттæй уæлдай, фехъусын кодта ӕнӕнымад, фӕлӕ проектӕн хъӕугӕ хӕрдзты тыххӕй. Ацы фарстайыл дзургæйæ, Сергей Меняйло дзуапдæттæг кусджытæн бабар кодта, къæвдайы дон кæуылты хъуамæ цæуа, уыцы канализацийы хæтæлты арæзтадмæ æргом аздахын. Уыимæ фæрæзтæ ссарын Жуковскийы номыл парк æмæ Терчы былгæрон аивгæнæн куыстытæн дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv