Ног къонатæ

Цæгат Ирыстоны æфсæддонтæн радтой сертификаттæ фатертæ балхæнынæн. Уый фæдыл кадджын мадзал сарæзтой офицерты хæдзары. Ног программæмæ гæсгæ, æфсæддонтæн сæ бон хæдзар райсын у æртæ азы æмбырдгæнæн-ипотекон системæйы руаджы. Афтæмæй, службæ кæнгæйæ, сæ бон у сæхицæн фатер балхæнын. Уыимæ сæ рады бирæ лæууын нал хъæуы. Бафтаудзыстæм ма уый, æмæ æмбырдгæнæн системæйы куыстæн уæлдай нæу, æфсæддонмæ ма æндæр хæдзар ис, æви нæй, стæй цы уавæрты цæры, уый дæр. Субсидитæ æмбæлынц се `ппæтæн дæр. Æртæ афæдзмæ сын æрвылаз радтынц фæйнæ 265 мин сомы. Абон сæ гæххæтыттæ райсыны аккаг систы 15 æфсæддоны. Ахæм мадзæлттæ арæзт æрцæуынц алы мæй дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv