Джызæлы скъола-интернаты байгом номарæн фæйнæг Плиты Сергейæн

Сырх Ходы цæрджытæ ацы цаумæ 30 азы æнхъæлмæ кастысты. Ног цалцæггонд фелсырон-акушерон пункт йæ хуыз скалдта. Æнцонвадат гæнæнтæ, алцæмæй æххæст. Раздæр ам хуымæтæг уавæртæ дæр нæ уыд. Хъарм доны фæдыл хъуыд хæстæг хæдзæрттæм цæуын. Бæстыхайы сног кодтой коммуникацитæ. Кабинеттæ хъарм, райдзаст æмæ уæрæх. Терапевт Томайты Аланæ æмæ участокы дохтыр кæндзысты алывæрсыг медицинон лæггад. Фыццаг æххуыс, вакцинаци, æрвылазон диспансеризаци. Кардиограммæ ныр сисæн ис бынаты. Уый тыххæй Алагирмæ цæуын нал хъæудзæн. Фелсырон-акушерон пункт ифтонггонд у нырыккон медицинон кусæнгæрзтæй. Фадат дæттынц низ рагагъоммæ раиртасын æмæ æмбæлгæ дзæбæхгæнæн мадзæлттæ снысан кæнынæн. Уымæй уæлдай ма бынаты балхæнæн ис хъæугæ хостæ. Æппæт куыстытæ æххæст кодтой «Здравоохранение» национ проектмæ гæсгæ. Арæзтадæн рахай кодтой æртæ милуан сомæй фылдæр. Æппæт хъæугæ кусæнгæрзтæн та ма уæлæмхасæн 500 мин сомы. Æмткæй райсгæйæ, ацы аз «Здравоохранение» национ проектмæ гæсгæ сцалцæг кодтой 5 объекты. Æнтыстджынæй дзы архайынц Мæздæджы æмæ Горæтгæрон районтæ. Тебиаты Сосланы ныхæстæм гæсгæ, фидæны аз цы медицинон куыстуæттæ сцалцæг кæндзысты, уыдоны хыгъд нысангонд у.