Социалон фиддонтæ фæфылдæр уыдзысты

Йе 'нæниздзинад хъыгдард кæмæн у æмæ сидзæр цы сывæллæттæ сты, уыдоны социалон фиддонтæ райсомæй фæстæмæ фæфылдæр уыдзысты 178 сомы. Афтæмæй сæ иумæйаг бæрц пенсийæ хъауджыдæр суыдзæн 4 мины 983 сомы. Се `фтиæгтæ ма фæфылдæр уыдзысты, прокуратурæ æмæ слестгæнæн комитетæй оставкæйы чи ацыд, уыдонæн дæр – бафтдзæн сыл 30 проценты. Ныртæккæ исынц 20 мин сомы. Специалисттæ куыд хъусын кæнынц, афтæмæй æгас Уæрæсейы ацы уынаффæ хауы 24 мин адæймагмæ. Уыимæ ма ацы ведомствоты йæ службæ чи ныууагъта, уыцы кусджытæ исдзысты уæлæмхасæн æхца сæ цинтæм гæсгæ. Уый та сын сæ фиддонтæ фæфылдæр кæндзæн 6-7 мин сомы бæрц. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv