Иу-дæс азы фæстæ Уæрæсейы цалдæр дæсныйады нал хъæудзысты

Уæрæсейы æппæты арæхдæр чи `мбæлы, уыцы дæсныйæдтæ - шофыртæ æмæ уæйгæнджытæ - иу-дæс азы фæстæ нал хъæудзысты. Ахæм æнæнхъæлæджы хатдзæгтæм æрцыдис национ иртæстыты университет – «Экономикæйы уæлдæр скъола»-йы ректор Ярослав Кузьминов. Йæ ныхæстæм гæсгæ, дзыллон дæсныйæдтæ ивд æрцæудзысты нымæцон лæггæдтæй. Кузьминов ма куыд фæбæрæг кодта, афтæмæй ныртæккæ дæр бирæ фирмæтæ кусынц æнæ бухгалтертæй. Уæдæ постхæссджыты дæсныйад дæр раздæры хуызæн ахсджиаг нал у. Ректоры хъуыдымæ гæсгæ ма 10 азы фæстæ фесæфдзысты дуаргæс, техникон тæлмацгæнæг, шофыр æмæ уæйгæнæджы дæсныйæдтæ. Æдæппæтæй нал хъæудзысты дæсныйæдты 70%. Специалистты ныхæстæм гæсгæ, уæрæсейæгтæн уый уыдзæн тынг зын. Зæгъæм, шофыртæ æмæ уæйгæнджыты къабазы нæ бæстæйы ис фæйнæ 7 милуан адæймаджы. Ахæм хатдзæгты фæстæ бæстæйы цæрджыты 65% æууæндын райдыдтой, информацион технологитæ æмæ автоматизацийы тыххæй сæ куыст сæ бон фесафын кæй у, ууыл. Уæрæсейæгты æртыккæгæм хай тæрсы суанг уымæй дæр, æмæ сын сæ куыст роботтæ кæй байсдзысты, уымæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv