Скъоламæ — æдасæй

Ног ахуыры азы агъоммæ фылдæр æргом здæхт цæуы сывæллæтты æдасдзинады фарстатæм. Уæлдайдæр та - ахуыргæнæндæтты цур фæндæгтæм. Ахæм хатдзæгмæ æрцыдысты, чи сæ бæрæг кодта, уыдон. Дзæуджыхъæуы 29-æм скъоламæ `ввахс ахизæнтæ домæнтæн дзуапп нæ дæттынц, æххæстгонд дзы не сты. Нæй дзы сæрмагонд нысæнттæ, бырутæ дæр уæдæ базилинаг сты. Æппæт хъæндзинæдтæ хъуамæ сентябрмæ иуварсгонд æрцæуой. Уæвгæ фæндæгты æдасдзинады домæнтæ чи сæххæст кодта, ахæмтæ дæр разынд. Дæнцæгæн, зæгъæм, Леваневскийы номыл уынджы цы 24-æм скъола ис, уый. РЦИ-Аланийы автоинспекцийы фæндæгтæм цæстдарды хистæр инспектор Гобозты Заза: «Ног ахуыры азы агъоммæ нын бабар кодтой ахуыргæнæндæтты цур фæндæгты уавæрмæ лæмбынæг æркæсын. Алы районы дæр рабæрæг кодтам хъæндзинæдтæ. Бирæ рæтты фæндаджы уавæр сæ хæрзтæй нæу. Бæрнон кусджытæн радтам амындзинæдтæ сентябрмæ хъуыддаг аивыны тыххæй». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv