Æрыдоны автоинспекцийы кусджытæ сбæрæг кодтой скъолаты автобусты техникон уавæр

Æрыдоны районы паддзахадон автоинспекцийы кусджытæ ног ахуыры азы размæ сбæрæг кодтой скъолаты автобусты техникон уавæр. Инспектортæ лæмбынæг федтой транспорт. Уæлдай æргом аздæхтой техникон уавæрмæ, пассивон æмæ æдасдзинады системæтæм. Инспектортæ фылдæр фиппайнæгтæ æрхастой тахограф кæй хонынц уый кæй нæ уыд автобусты. Уымæй уæлдай ма сæм нæ уыд фæдзæхстады гæххæтытæ дæр. Скъолайы автобусы шофыртæ фæндаггон фæткы домæнты кæй не ххæст кæнынц, уый тыххæй нæ фæивар кодтой. Сывæллæтты ласын бауадзысты æрмæстдæр кæй басгæрстой, уыцы автобусты. Уымæй уæлдай ма паддзахадон автоинспекцийы кусджытæ шофыримæ кодтой профилактикон ныхас. Сæ зæрдыл сын æрлæууын кодтой сабиты æдасдзинад сæйрагдæр кæй у, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv