Сергей Меняйло архайдта электрон хызты комплексы фарстаты фæдыл æмбырды

Нæ бæстæйы электрон хызты комплексыл æрныхас кодтой Уæрæсейы хицауады сæрдары хæдивæг Александр Новак цы æмбырд амыдта, уым. Видеобастдзинады 'руаджы дзы архайдта нæ республикæйы сæргълæууæг Сергей Меняйло дæр. Сæйраг темæты æхсæн уыд энергон тых хæццæ кæныны куыст æдасдæр, æнтыстджындæр æмæ хæрзхъæддæр кæнын. Регионалон хицауадæн вице-премьер бабар кодта уыцы фарстатыл бакусын, энергетикæйы объектты хъомыс фæфылдæр кæныны программæ фæхуыздæр кæнын. Прокуратурæ та хъуамæ цæст дара фиддонты хъуыддагмæ, стæй электрон хызтæй æнæзакъонæй чи пайда кæны, уыдонмæ.