22-æм æмæ 50-æм муниципалон маршруттæн сæ куысты æвдисæндартæ систой

Цæгат Ирыстоны промышленность æмæ транспорты министрад 22-æм æмæ 50-æм муниципалон маршруттæн сæ куысты æвдисæндартæ систа. Министрады разамонæг Хайдарбек Бутовы ныхæстæм гæсгæ, ахæм уынаффæ рахастой, 17-æм июлæй - 20-мæ иунæг маршруткæ дæр 22-æм рейсыл кæй нæ рацыд, уый тыххæй. Сæ куысты ницы къуылымпыдзинæдтæ æрцыд, афтæмæй хивæнæй нæ рацыдысты куыстмæ. Афтæмæй, хъуамæ цæуой бæлвырд фæткмæ гæсгæ. 22-æм маршрутон такси цæуы Магкаты Зурабы номыл уынгæй Международныйы онг. 50-æм муниципалон маршрут та 22-æмæй - 25 июлмæ нæ сæххæст кодта йæ куысты домæнтæ. Афтæмæй та хъуамæ фæткмæ гæсгæ цæуа Темырты Æфсымæрты уынгæй - Викалинæйы базары онг. Цæмæй дзы ныр ноджы фылдæр къуылымпыдзинæдтæ ма фæзына, уый тыххæй рæстæгмæ рейсытыл цæуы æндæр куыстуат. Уæдмæ та уал сараздзысты конкурс. Сбæрæг дзы кæндзысты дарддæр 22-æм æмæ 50-æм маршруттæ фæткмæ гæсгæ чи æххæст кæндзæн, уыдоны. Æмбалты Хъазыбег, РЦИ-Аланийы промышленность æмæ транспорты автомобилон транспорты хайады консультант: «Маршрутон такситæ 22 æмæ 50-æм номырты куысты фæдыл сарæзтам мониторинг. Куыд рабæрæг, афтæ цалдæр бонмæ иу хатт дæр сæ куыстмæ нæ рацыдысты. 222-ы закъоны сæрты ахызтысты. Ныр рæстæгмæ рейсытыл цæуы æндæр куыстуат. Уæдмæ та уал сараздзыстæм конкурс. Сбæрæг кæндзыстæм дарддæр 22-æм æмæ 50-æм маршруттæ фæткмæ гæсгæ чи æххæст кæндзæн, уыцы бæрнон адæмы». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv