Персаты Арнеллæйы номыл хæрзаудæн акци сарæзтой Беслæны

Персаты Арнеллæйы номыл хæрзаудæн акци сарæзтой Беслæны. Мадзал ацыд культурæйы бынæттон хæдзары. Йæ аразджыты фарс æрбалæууыдысты районы администраци дæр. Уыдон сывæллæттæн сифтонг кодтой мобилон планетарий. Æрбацыдысты йæм Беслæны скъоладзаутæ. Космосы сусæгдзинæдтæ бацамыдтой 100 адæймагæй фылдæрæн. Планетарий куыста æнæхъæн бон. Сывæллæттæ æмæ ахуыргæнджытæ разыйæ баззадысты. Уæ зæрдыл уын æрлæууын кæндзыстæм, Персаты Арнеллæмæ рабæрæг кодтой уæззау низ. Арнеллæйы сины хæцъæфтæ хус кæнынц. Афтæмæй сывæллон лæмæгъдæр кæны, йæ буарыл æнæхъæнæй бæрæг дары. Чысыл чызгæн баххуыс кæнæн ис. Цы хос æй сдзæбæх кæндзæн, уый аргъ 2 милуан доллæры у. Уый сомтæй - 130 милуаны у. Бинонтæм ахæм æхцатæ уæвгæ дæр нæй. Стæй ма реабилитацийæн дæр 10 милуантæ бахъæудзæн. Сæ фармæ æрбаллæуынц ацы зæрдæриссаг хабармæ куыд фæндыйы цæстæй чи нæ кæсы, уыдон. Се`руаджы бинонтæн сæ къухы бафтыд ныридæгæн 5 милуан сомы сæмбырд кæнын. Алы сомæн дæр бузныг сты. Алы капек дæр сæ хæстæг кæны сæ сабийы цард аирвæзын кæнынмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv