Авгæй бæрцуæттæ, гæнæн ис, æмæ дуканиты исын райдайдзысты

Æрдзон æвæрæнтæ æмæ экологи, базарад æмæ промышленносты министрадтæ сразы сты авгæй бутылкæтæ исыны фæтк ногæй ныффидар кæнын. Уый тыххæй хъусын кæны «Известия». Бутылкæтæ æмæ банкæтæ та ногæй исын райдайдзысты дуканиты. Цавæр аргъæй, уый нырма бæрæг нæу. «Уæрæсейы экологон оператор»-ы компанийы разамонæг Алексей Макрушины хъуыдымæ гæсгæ, ныхас цæудзæн 3 сомæй 15 сомы онг аргъыл. Бутылкæтæ исыны фæтк хуыздæрырдæм фæзындзæн экономикæ æмæ экологийы уавæрыл. Бырон кæныны бæсты иуæй-иу дуканитæ ныр дæр хойраджы аргъы ныхмæ, 10 проценты аппарынц æлхæд продуктты аргъæй. Дуканиты сæрмагонд аппараттæ куы сæвæрой, уæд штрих-код кæнæ нысаны фæрцы `лхæд бутылкæ, алюминæй конд банкæ фæхъæздыгдæр кæндзæн фæлхасгæнæджы дзыпп. Фæсарæйнаг бæстæты ахæм фæтк рагæй ныффидар. Уæрæсе дæр хъуамæ уыцы фæндагыл ныллæууа, фæнысан кодта Хицауады сæрдар Дмитрий Медведев. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv