Беслæны 7-æм скъола бындуронæй салцæг кодтой
Фæныкхуыз ахорæнтæ хуымæтæджы æвзæрст не 'рцыдысты. Адæймагмæ, ам уæвгæйæ, æвзæр æнкъарæнтæ нæ сæвзæрдзæн. Фæлӕ ма дзы ис ирд, сырх ахорæнтæ. Сывæллæттæ, се 'скъолайы ног фæлгонц дардæй фенгæйæ дæр, бацин кæнынц. Уæдæ мидæгæй та ноджы рæсугъддæр у. Нæй дзы афтид къултæ æмæ цартæ. Ахæм дизайн республикæйы иу ахуырадон уагдоны дæр нæй. Бур ахорæнтæ дæр хуымæтæджы нæ равзæрстой. Ацы хуыз дæтты уæнгрогдзинад. Ахуыр кæнын дæр рæсугъд скъолайы хъæуы, зæгъы дизайнер Хъалæгаты Янæ. Хорз уавæрты саби дæр ногдзинæдтæм фылдæр тырны. Æмæ ахуыргæнинæгты хъуыдытæ уымæн æвдисæн. Мартъийы дæр ма ам ницы уыд. Скъолайы директор Фатима Инагамовайæн йæ зæрдыл æрлæууы, скъола агуыридурты онг куыд райхæлдтой, уый. Афӕдзы 'рдæг хъуыды кодта, цыма дзы цы рауайдзæн, зæгъгæ. Фæлæ йæ зæрдæ афтæ барухс уыдзæн бæстыхайы ног фæлгонцæй, уый æнхъæл нæ уыд. Ахуыры аз райдыдта æхсызгондзинæдтæй. Мебель раивтам æппæт ахуырадон кабинетты дæр. Нæ партæтæ, бандæттæ, скъæппытæ, фæйнæджытæ сты ног. Æнхъæлмæ ма кæсæм интерактивон фæйнæджытæм. Алцыдæр нæм уыдзæн нырыккон æмвæзадыл. Ахуырады министр Алыбегты Эллæ куыд загъта, уый мæ зæрдæмæ фæцыд. Зæгъгæ, сывæллæттæ иуылдæр иухуызон сты æмæ сæ уавæртæ дæр хъуамæ æмхуызон уой. Ныр нæм бирæ ног фæндтæ фæзынд æмæ сæм тырндзыстæм. Раздæр хæрæндон уыд фыццаг уӕладзыджы бын. Ныр пайдаджын, хæрзад хæринæгтæ цæттæ кæнынц фыццаг уæладзыджы. Ахсджиаг уый у, æмæ уыцы иу рæстæг сихор бахæрынц сæдæ сабийы. Хæринаггæнджытæ архайынц нырыккон мигæнæнтæй. Уæлдай тынгдæр цин кæнынц, скъола раздæр цы уавæры уыд, уый чи федта, уыдон. Скъолайы истори хорз зонынц. Байгом 1959 азы, æмæ уæдæй нырмæ ноггонд фыццаг хатт æрцыд. Ахсджиаг у, цæмæй ахуыр кæнынæн рæзгæ фæлтæрæн аккаг уавæртæ уа. Ныртæккæ скъолайы ис 373 ахуыргæнинаджы. Раздæр бирæ фылдæр уыдысты, фæлæ скъолайы уавæртæ куыд æвзæрдæр кодтой, афтæ сæ нымæц къаддæр кодта. Ныр ам зæрдæ дарынц, сабитæ та кæй сбирæ уыдзысты. Ам сæм тынг æнхъæлмæ кæсынц.
Фæныкхуыз ахорæнтæ хуымæтæджы æвзæрст не 'рцыдысты. Адæймагмæ, ам уæвгæйæ, æвзæр æнкъарæнтæ нæ сæвзæрдзæн. Фæлӕ ма дзы ис ирд, сырх ахорæнтæ. Сывæллæттæ, се 'скъолайы ног фæлгонц дардæй фенгæйæ дæр, бацин кæнынц. Уæдæ мидæгæй та ноджы рæсугъддæр у. Нæй дзы афтид къултæ æмæ цартæ. Ахæм дизайн республикæйы иу ахуырадон уагдоны дæр нæй. Бур ахорæнтæ дæр хуымæтæджы нæ равзæрстой. Ацы хуыз дæтты уæнгрогдзинад. Ахуыр кæнын дæр рæсугъд скъолайы хъæуы, зæгъы дизайнер Хъалæгаты Янæ. Хорз уавæрты саби дæр ногдзинæдтæм фылдæр тырны. Æмæ ахуыргæнинæгты хъуыдытæ уымæн æвдисæн. Мартъийы дæр ма ам ницы уыд. Скъолайы директор Фатима Инагамовайæн йæ зæрдыл æрлæууы, скъола агуыридурты онг куыд райхæлдтой, уый. Афӕдзы 'рдæг хъуыды кодта, цыма дзы цы рауайдзæн, зæгъгæ. Фæлæ йæ зæрдæ афтæ барухс уыдзæн бæстыхайы ног фæлгонцæй, уый æнхъæл нæ уыд. Ахуыры аз райдыдта æхсызгондзинæдтæй. Мебель раивтам æппæт ахуырадон кабинетты дæр. Нæ партæтæ, бандæттæ, скъæппытæ, фæйнæджытæ сты ног. Æнхъæлмæ ма кæсæм интерактивон фæйнæджытæм. Алцыдæр нæм уыдзæн нырыккон æмвæзадыл. Ахуырады министр Алыбегты Эллæ куыд загъта, уый мæ зæрдæмæ фæцыд. Зæгъгæ, сывæллæттæ иуылдæр иухуызон сты æмæ сæ уавæртæ дæр хъуамæ æмхуызон уой. Ныр нæм бирæ ног фæндтæ фæзынд æмæ сæм тырндзыстæм. Раздæр хæрæндон уыд фыццаг уӕладзыджы бын. Ныр пайдаджын, хæрзад хæринæгтæ цæттæ кæнынц фыццаг уæладзыджы. Ахсджиаг уый у, æмæ уыцы иу рæстæг сихор бахæрынц сæдæ сабийы. Хæринаггæнджытæ архайынц нырыккон мигæнæнтæй. Уæлдай тынгдæр цин кæнынц, скъола раздæр цы уавæры уыд, уый чи федта, уыдон. Скъолайы истори хорз зонынц. Байгом 1959 азы, æмæ уæдæй нырмæ ноггонд фыццаг хатт æрцыд. Ахсджиаг у, цæмæй ахуыр кæнынæн рæзгæ фæлтæрæн аккаг уавæртæ уа. Ныртæккæ скъолайы ис 373 ахуыргæнинаджы. Раздæр бирæ фылдæр уыдысты, фæлæ скъолайы уавæртæ куыд æвзæрдæр кодтой, афтæ сæ нымæц къаддæр кодта. Ныр ам зæрдæ дарынц, сабитæ та кæй сбирæ уыдзысты. Ам сæм тынг æнхъæлмæ кæсынц.